Vilalba 1989. Profesor de Música, estudou Xeografía e Historia pola UNED e o seu compromiso político comezou ao pouco de chegar á Universidade, onde, dende os 18, se implicou activamente no movemento político xuvenil e estudantil. Participa da asemblea de Vilalba Aberta dende a inaugural de Marzo de 2015 e nas Eleccións Municipais do mesmo ano foi, con 26 anos, o Candidato máis novo á Alcaldía.

Logo de catro anos nos que, da man do inxente traballo municipal, se erixiu coma unha das voces máis críticas coa xestión dos Gobernos de Criado e Baamonde, repetíu coma Candidato en 2019 e, na actualidade, é o Voceiro do Grupo Municipal de Vilalba Aberta e Concelleiro de Turismo e Comercio no novo Goberno de Vilalba.

Mª Xosé Fernández Pardo

Vilalba 1966. Administrativa na empresa privada, aínda que naceu e reside en Vilalba, mantén unha especial vinculación coa parroquia de Alba, en tanto que lugar onde aínda residen os seus pais. Participante de Vilalba Aberta dende a súa asemblea fundacional, participa do tecido asociativo vilalbés pola vía da súa afección á música tradicional galega.  

Nas pasadas Eleccións Municipais de 2019 foi a número 2 da Candidatura de Vilalba Aberta e na actualidade é Concelleira electa e a Vicevoceira do noso Grupo Municipal.